Song Title: Khudaa E Bartar Teri Zamin Par
Singer: LATA mangeshkar
Writer:
Lyrics of the song 'khudaa e bartar Teri Zamin Par' from bollywood movie/album 'TAJ MAHAL'


khudaa-e-bartar teri zamin par, zamin ki khaatir yeh jang kyoN hai
har ek fatah-o-zafar ke daaman pe Khoon-e-insaaN kaa rang kyoN hai
khudaa-e-bartar teri zamin par, zamin ki khaatir yeh jang kyoN hai

zamin bhi teri, hein ham bhi tere, yeh milkiyat kaa savaal kyaa hai
yeh qatl-o-KhooN kaa rivaaz kyoN hai, yeh rasm-e-jang-o-jadaal kyaa hai
jinhe talab hai jahan bhar ki, unhi kaa dil itnaa tang kyoN hai
khudaa-e-bartar teri zamin par, zamin ki khaatir yeh jang kyoN hai

Ghareeb maaNo shareef behnoN ko amn-o-izzat ki zindagi de
jinhe ataa ki hai tu ne taaqat, unhe hidaayat ki roshni de
saroN main kibr-o-Ghuroor kyoN hain, diloN ke sheeshe pe jang kyoN hai
khudaa-e-bartar teri zamin par, zamin ki khaatir yeh jang kyoN hai

Khazaa ke raste pe jaanevaaloN ko bach ke aane ki raah denaa
diloN ke gulshan ujaD naa jaaye, muhabbatoN ko panaah denaa
jahaaN main jashn-e-vafaa ke badle, yeh jashn-e-teer-o-tafang kyoN hai
khudaa-e-bartar teri zamin par, zamin ki khaatir yeh jang kyoN hai

khudaa-e-bartar teri zamin par, zamin ki khaatir yeh jang kyoN hai
har ek fatah-o-zafar ke daaman pe Khoon-e-insaaN kaa rang kyoN hai
khudaa-e-bartar teri zamin par, zamin ki khaatir yeh jang kyoN hai




Add Your Comment