Song Title: Kyun Hawa
Singer: LATA MANGESHKAR, SONU NIGAM, YASH CHOPRA
Writer:
Lyrics of the song 'Kyun Hawa' from bollywood movie/album 'VEER ZAARA'


Yash:
Ek din jab savere savere, surmayi se andher ki chaadar hata ke
Ek parbat ke takiye se, sooraj ne sar jo uthaaya, toh dekha
Dil ki vaadi main chaahat ka mausam hai
Aur yaadon ki daaliyon par
Anginat beete lamhon ki kaliyaan mahekne lagi hein
Ankahi ansuni aarzoo, aadhi soyi huwi aadhi jaagi huwi
Aankhein malte huwe dekhti hai, laher dar laher
Mauj dar mauj, behti huwi zindagi
Jaise har ek pal nayi hai, aur phir bhi wahi, haan, wahi zindagi
Jiske daaman main ek mohabbat bhi hai, koyi hasrat bhi hai
Paas aana bhi hai, door jana bhi hai, aur yeh ehsaas hai
Waqt jharne sa behta huwa, jaa raha hai, yeh kehta huwa
Dil ki waadi main chaahat ka mausam hai
Aur yaadon ki daaliyon par
Anginat beete lamhon ki kaliyaan mahekne lagi hein

Lata:
Aa… haa ho ho… aaa haa ho ho… hmm… hmm…

Sonu:
Kyun hawa aaj yun gaa rahi hai

Sonu:
Kyun hawa, aaj yun gaa rahi hai
Kyun fiza, rang chhalka rahi hai
Mere dil bata aaj hona hai kya
Chaandni, din main kyun, chhaa rahi hai
Zindagi, kis taraf jaa rahi hai
Mere dil bata kya hai yeh silsila
Kyun hawa, aaj yun gaa rahi hai
Gaa rahi hai, gaa rahi hai

Lata:
Ha ha ha ha aa…aa…, hmm.., aaa ha ha ha…

Sonu:
Jahaan tak bhi jaayein nigaahein, baraste hein jaise ujaale -2
Saji aaj kyun hein yeh raahein, khile phool kyun hein niraale
Khushbuwein, kaisi yeh beh rahi hein
Dhadkanein jaane kya keh rahi hai
Mere dil bata yeh kahaani hai kya
Kyun hawa, aaj yun gaa rahi hai
Gaa rahi hai, gaa rahi hai

Lata:
Aa... aa...

Sonu:
yeh kiska hai chehra jisse main, har ek phool main dekhta hoon -2
yeh kiski hai awaaz jisko, naa sun ke bhi mein sun raha hoon
Kaisi yeh aahatein aaa rahi hain, kaise yeh khwaab dikhla rahi hein
Mere dil bata kaun hai aaa raha
Kyun hawa, aaj yun gaa rahi hai
Gaa rahi hai, gaa rahi hai

Lata:
Aa… aa… aa… aaa aa.... aa...




Add Your Comment